ZAST
ZAST-ULACIAK EZIN IZAN DU 23. JARDUNALDIKO PARTIDUA IRABAZI MEGACALZADO ARDOI TALDEAREN AURKA
EBA saskibaloi ligako AA multzoan jokatzen duen Zast-Ulacia talde zarauztarrak ezin izan du multzoaren sailkapeneko bosgarren postuan dagoen Ardoi taldeari irabazi, partiduan zehar horretarako meriturik egin duen arren. Partiduaren azken emaitza 75-84 izan den arren, etxeko taldea aurrean izan da markagailuan azken minutura arte.
Gorabehera handiko partidua
Partiduko lehen laurdena elkarren indarrak neurtzeko izan da bi taldeentzat, eta puntu bakar batez gailendu da Zizur Nagusitik etorritako Ardoi taldea. Lehen laurden horretan argi geratu da partidu oso estua izango zela eta defentsak gailenduko zirela.
Etxeko taldeak ez du bigarren laurden onik egin eta partiduaren erdira lau puntuko desabantailarekin iristea izan da egin duen onena; izan ere, hamar puntuko aldea ere izan du Ardoi taldeak laurdenaren erdialdera. Baloi asko galdu ditu Zast-Ulaciak bigarren laurden horretan, asko kostatzen zitzaion abiadura ematea bere jokoari, eta huts asko egin ditu paseetan.
Partiduaren atsedenaldira iritsita, beste jarrera batekin berrekin dio partiduari Zast-Ulaciak. Defentsa estutu du eta horrek konfiantza eman dio erasoan. Gainera, taldeko zenbait jokalarik hiruko saskiratze batzuk sartu dituzte, ondo erantzunez talde nafarraren zonakako defentsari. Kantxaren bi aldeetan izandako hobekuntza horri esker, sei puntuko abantailaz ekin dio Zast-Ulaciak partiduko azken laurdenari.
Azken minutu beltza
Zizur Nagusitik etorritako taldeak partiduaren une erabakigarrian asmatu du aurretik jartzen, eta min handia egin dio horrek etxeko taldeari. Ardoi taldea oso talde fisikoa ez izan arren, eskarmentu handikoa da, eta bere presio handiak ito egin du Zast-Ulaciaraen erasoko jokoa azken minutu horretan. Aurretik jarri izanaren bultzadak indarturik, amaierako jaurtiketa luzeak asmatu eta bederatzi puntuko errentaz irabazi du partiduak talde nafarrak.
Denboraldiaren azken txanpa
Zazpi partidu baino ez dira geratzen denboraldia amaitzeko, eta Zast-Ulaciak lau jokatuko ditu etxetik kanpo eta hiru etxean. Etxean galdu berri duen partiduaren ondoren, etxetik kanpo partiduak irabazten hastea komeni zaio, nekeza izango baitu, bestela, mailari eusteko helburua betetzea.
| Resultado | Fecha | Hora | |
| AC1+ PIELAGOS - ARHA HOTELES | 68-89 | 08/03/2020 | 18:00 |
| GOIERRI - IPARRAGIRRE 2020 - C.B. SANTURTZI SK | 64-60 | 07/03/2020 | 18:30 |
| ULACIA ZARAUTZ - MEGACALZADO ARDOI | 75-84 | 08/03/2020 | 18:30 |
| BASKONIA - CB VALLE DE EGÜES | 67-55 | 07/03/2020 | 18:00 |
| NISSAN GRUPO DE SANTIAGO - MONDRAGON UNIBERTSITATEA | 65-75 | 08/03/2020 | 18:00 |
| TABIRAKO BAQUE - MANTENEO FILIPENSES | 76-53 | 08/03/2020 | 18:00 |
| EASO BODEGAS MUGA - CB SOLARES | 86-57 | 07/03/2020 | 20:00 |
Sailkapena
| P.J | P.G | P.P | P.F | P.C | PTO | R. | ||
| 1 | MONDRAGON UNIBERTSITATEA | 21 | 16 | 5 | 1663 | 1501 | 37 | +6 |
| 2 | ARHA HOTELES | 22 | 15 | 7 | 1728 | 1553 | 37 | +2 |
| 3 | MEGACALZADO ARDOI | 22 | 15 | 7 | 1657 | 1527 | 37 | +4 |
| 4 | AC1+ PIELAGOS | 21 | 15 | 6 | 1786 | 1549 | 36 | -2 |
| 5 | EASO BODEGAS MUGA | 22 | 14 | 8 | 1560 | 1391 | 36 | +2 |
| 6 | NISSAN GRUPO DE SANTIAGO | 22 | 11 | 11 | 1622 | 1645 | 33 | -3 |
| 7 | BASKONIA | 22 | 11 | 11 | 1710 | 1715 | 33 | +1 |
| 8 | CB LA FLECHA | 21 | 11 | 10 | 1556 | 1523 | 32 | +1 |
| 9 | CB VALLE DE EGÜES | 21 | 10 | 11 | 1485 | 1542 | 31 | -1 |
| 10 | C.B. SANTURTZI SK | 22 | 9 | 13 | 1538 | 1515 | 31 | -1 |
| 11 | ULACIA ZARAUTZ | 21 | 9 | 12 | 1439 | 1543 | 30 | -2 |
| 12 | TABIRAKO BAQUE | 22 | 8 | 14 | 1461 | 1568 | 30 | +1 |
| 13 | CB SOLARES | 21 | 8 | 13 | 1632 | 1704 | 29 | -1 |
| 14 | GOIERRI - IPARRAGIRRE 2020 | 21 | 7 | 14 | 1474 | 1634 | 28 | +1 |
| 15 | MANTENEO FILIPENSES | 21 | 2 | 19 | 1278 | 1679 | 23 | -10 |