ZAST
Badira urte batzuk Graficas Juaristik ZASTen bidelagun nagusienetako bat dela eta oraingoan aurrepauso bat gehiago eman dute elkarren arteko erlazioa sakontze aldera. Zarauzko Kiroldegian egin zen aurkezpenean, Andoni Juaristi (enpresaren ordezkaria), Leire Arana (zarauzko kirol zinegotzia), Salba Bergara (ZASTeko zuzendaritza-batzordeko kidea) eta Beñat Jauregi “Fede” (senior nesken entrenatzailea) izan dira.
Beraz, Lehen Mailako Emakumezkoen Zasteko Senior taldeak hemendik aurrera, Graficas Juaristi ZKE izenpean lehiatuko du. Fedek zuzendutako neskek denboraldi bikaina burutzen ari dira, 14 jardunaldi jolastu direlarik 11 garaipen lortu dituzte eta horrela sailkapenaren hirugarren postuan kokatzen dira lidergoa, soilik, garaipen batera dutelarik.
“Nahiz eta denboraldi hasieran taldeak zituen helburuak oso ezberdinak izan, denboraldiaren puntu honetara iritsita helburu berri bat ezarri dugu: sailkapeneko lehen lau postutan amaitzea bigarren itzulia. Horrela igoera fasea jokatzeko aukera izango genuke, nahiz eta fase horretan mailaz igotzeko txartela lortzea oso zaila izango litzatekeen. Eta helburu hau lortuko balitz, denboraldi bikain bati ginda ederra jarriko genioke!” hauek ziren taldeko entrenatzaile den Beñat Jauregiren adierazpenak.
| 4 - LEIRE FERNANDEZ 5 - IRUNE ASPIUNZA 6 - ANE VALENCIAGA 7 - OLATZ LIZASO 9 - ALAZNE ARRUTI 10 - LURDES SARASUA 11 - TERESA ARGIBE 12 - JOANE MANNION 13 - SARA GARIN 14 - MAIDER MANZANAS 22 - LEIRE ANAUT ENTRENATZAILEA: BEÑAT JAUREGI "FEDE" |
